بحبك

أه بحبك..
ماانت يعنى كل عمرى
انت روحى انت قدرى..
من واحنا صغيرين
كنت اشوف فى عنيك كﻻم.
افضل افكر
معناها ايه وانت بتبصلى وتقولى سلام
كنت اشوف فى عنيك محبه...
نظرة حلوة بتستخبى
كنت احس فى وشى فرحة
وانت بتكلمنى عنك..
وانى حبيت السهر بالليل بسببك
كنت احس فى كل لحظة ان فيك شئ مختلف
بحبك
كلمة يمكن ماقولتهاش بس برضو ماحبستهاش
كانت بتطلع لما نتقابل فى لعبه..
او فى مرة كنت ازعل واستنى رد فعلك
الغريبه انى مكنتش بفهم من مﻻمحك.
كان كله فاهم اﻻ انا
كان كله عارف
ان حبيبتك ... هى انا
الا انا
قال وانا كنت فاهمه ان محدش عارف ..
انى بحبك
بحبك